«Andijon» Doniyor Abdumannopov bilan shartnomani uzaytirdi

“Andijon” yangi mavsum oldidan tarkibni yaxshilab shakllantirish jarayoni davom etmoqda.

Klub matbuot xizmati xabar berishicha, muxlislarning mehrini qozongan yarim himoyachi Doniyor Abdumannopov bilan amaldagi kelishuv uzaytirildi.

Abdumannopov asli Andijon farzandi va aynan “Andijon” klubi tarbiyalanuvchisi sanaladi.

U 2018-2021-yillar mobaynida jamoa sharafini himoya qilgan. 2025-yili esa yana safimizga qaytdi. Doniyor oʻtgan yili 38 ta uchrashuvda maydonga tushib, 6 ta gol urdi va 1 ta assistni bajardi.

Umumiy hisobda esa Abdumannopov “Andijon” libosida faoliyati davomida 72 ta oʻyinda maydonga tushgan va jami 10 ta gol urgan.

Roziqjon Sultonmurodov

Jurnalist