«Андижон» Алтин Крезиу билан хайрлашди
Фото: Андижон ПФК
"Андижон" клуби футболчи Алтин Крезиу жамоани тарк этганини маълум қилди.
Словениялик 23 ёшли футболчи мавсум бошида "бургутлар" сафига келиб қўшилганди.
Клуб матбуот хизмати хабар беришича, ҳар икки томоннинг ўзаро келишувига кўра амалдаги шартнома бекор қилинди.
Крезиу “Андижон” таркибида 19 та ўйинда майдонга тушиб, 1 та гол урди ва 4 та голли узатмани амалга оширди.
"Алтинга жамоамиздаги фаолияти учун миннатдорчилик билдирамиз ҳамда унинг кейинги фаолиятига омад тилаймиз!", -дейилади клуб баёнотида.
Розикжон Султонмуродов
Журналист