Анчелоттига АПЛдан икки харидор чиқди!
“Реал”дан кетиши аниқ бўлиб бораётган италиялик мутахассис Карло Анчелоттининг хизматларига дунёнинг турли давлатларидан клублар ва терма жамоалар қизиқиш билдирмоқда.
“Дон Карло” учун Англиянинг икки жамоаси ҳам харидор, бироқ Анчелотти якунда терма жамоани танлаши ҳақиқатга яқин бўлиб турибди.
“Челси” ва “Эвертон” собиқ мураббийини “Ноттингем Форест” ва “Тоттенхэм” каби жамоалар ўз клубида кўришни хоҳлашади. Football.London нашрининг хабар беришича, агар “Ноттингем” чемпионлар лигаси йўлланмасини қўлга кирита олса, клуб хўжайини Евангелос Маринакис кейинги мавсумда Карло Анчелотти билан юқори натижаларни қайд этишига ишонмоқда. Лондоннинг “Тоттенхэм” жамоаси ҳам италиялик буюк мутахассисни клубга олиб келишни хоҳлайди. Аммо Анчелотти якунда катта эҳтимол билан Бразилия терма жамоасини танлайди ва 2030 йилгача шартнома имзолайди