Анчелотти ва \"Реал\" \"Арсенал\"га ҳайратланарли камбек тайёрлаяпти
““Бернабеу”да 90 дақиқа жуда кўп”. “Реал Мадрид” ушбу сўзлар орқали жамоатчиликни “Арсенал” билан ўйиндан олдинги енгил машғулотлар каби қиздириб олди. Гарчанд, Англияда 3:0 ҳисоби қайд этилган бўлсада, бугун ҳаммаси бошидан бошланади.
Бир тарафдан испаниялик мураббий Микел Артета: “Бизнинг менталитетимизда майдонга ҳар доим ғалаба учун тушиш бор, ҳаттоки, бугун ҳам”,- деб таъкидлади.
Бошқа тарафдан италиялик мураббий Карло Анчелотти хотиржам ҳолатда: “Бу ўйин менинг келажагимга таъсир қилади деб ўйламайман. Бу менинг фаолиятимдаги биринчи катта ўйиним эмас ва умид қиламанки, бу охиргиси ҳам бўлиб қолмайди”,-деб фикр билдирди.
Анчелотти асосий таркибни ўзидaёқ дастлабки баҳсга қараганда баъзи бир ҳайратланарли ўзгаришларни амалга оширмоқчи. Биринчи ўйин билан солиштирганда, дисквалификация қилинган Камавинга бўлмайди, шунинг учун Вальверде ярим ҳимоячи сифатида ўзининг табиий ролига қайтади.
Яна бир ечим сифатида ярим ҳимоя чизиғини кучайтириш ва Беллингемга кўпроқ ҳаракат эркинлигини бериш учун асосий таркибдан Родригони четлатиши мумкин. Сўнгги кунларда кийим алмаштириш хонасида энг кўп ишлатиладиган “Ремонтaда”, яъни қайтиш, камбек сўзидир. "Реал Мадрид" бунга ишонади ва оқ байроқни кўтариб, таслим бўлишни хоҳламайди.
