Анчелотти «Реал»дан кетади — расмий баёнот «Эл Класико»дан сўнг эълон қилиниши мумкин
Расм: gettyimages.com Карло Анчелотти
Мадриднинг «Реал» жамоаси бош мураббийи Карло Анчелотти яқин вақт ичида лавозимини тарк этади. Бу ҳақда The Athletic нашри хабар берди.
Манбага кўра, италиялик мутахассис ва клуб раҳбарияти ҳамкорликни тугатиш бўйича оғзаки келишувга эришган. Расмий маълумот «Реал» ва «Барселона» ўртасидаги 35-тур доирасидаги учрашувдан сўнг эълон қилиниши кутилмоқда. Ушбу ўйин якшанба, 11 май куни бўлиб ўтади.
Ҳозирда «Реал Мадрид» Ла Лиганинг турнир жадвалида 34 турдан сўнг 75 очко билан иккинчи ўринда бормоқда. Пеша-пешада esa «Барселона» турибди.
Бакрадзе Иман
Редактор
