Анчелотти Эндрикка ўзи ишлаган пенальтини тепишни тақиқлади. Ёш юлдуз эса ҳақиқий класс кўрсатди
Анчелотти Эндрикка ўзи ишлаган пенальтини тепишни тақиқлади. Ёш юлдуз эса ҳақиқий класс кўрсатди.
Эндрик Хорватия терма жамоасига қарши ўртоқлик учрашувида 14 дақиқа ҳаракат қилди. Ўйиннинг 88-дақиқасида, ҳисоб 1:1 бўлиб турган пайтда «Лион» ҳужумчиси пеналти ишлади — жарима майдончаси ичида Йосип Шутало ёш футболчини йиқитди.
Эндрик тўпни қўлига олиб, нуқтага яқинлашди ва ўн бир метрлик жарима зарбасини ўзи ижро этишга тайёр эди. Бироқ мураббийлар ўриндиғидан кўрсатма келди: пенальтини Игор Тиаго тепиши керак.
Эндрик ҳақиқий профессионаллик намойиш этди — ортиқча гап-сўзларсиз тўпни шеригига топширди ва зарба олдидан трибуналардан жамоадошини қўллаб-қувватлашни сўради.
Тиаго бразилияликларни ҳисобда олдинга олиб чиқди, 92-дақиқада эса Эндрик Габриэл Мартинеллининг голига ассистентлик қилди. Бразилия 3:1 ҳисобида ғалаба қозонди.
Анчелотти ўйиндан сўнг нима учун Эндрикка ўзи ишлаган пенальтини тепишга рухсат бермаганини тушунтирди: «Бу ўйин учун Матеус Куня пенальтичи этиб тайинланган эди. У майдонни тарк этгани сабабли, бу вазифа Игор Тиагога ўтди. Биз пенальтилар устида ишлаганмиз, Игор машғулотларда жуда яхши ҳаракат қилганди».
Эндрик эса ўйиндан кейин италиялик мутахассис билан муносабатлари аъло даражада, ҳатто дўстона эканини айтди. Ҳеч қандай хафагарчилик йўқ.
