Анчелотти қачон истеъфога чиқиши маълум бўлди
ФОТО: Getty Images
Мадриднинг “Реал” клуби бош мураббийи Карло Анчелотти “Барселона”га қарши Испания Кубоги финалидан сўнг лавозимини тарк этиши мумкин. Бу ҳақда Sky Sports нашри хабар бермоқда.
Аввалроқ, “Реал” Чемпионлар Лигаси чорак финалида “Арсенал”га икки ўйинда ҳам мағлуб бўлиб, турнир билан хайрлашганди.
Ҳозирда Мадрид клуби Ла Лига турнир жадвалида “Барселона”дан 4 очкога ортда қолиб, 66 очко билан иккинчи ўринда бормоқда.
Эслатиб ўтамиз, Анчелотти 2021-йилдан буён “Реал”ни бошқариб келмоқда. Бу давр ичида у бир неча бор Испания чемпиони ва Чемпионлар Лигаси ғолиби бўлган.
Насрулло Каримов
Журналист