«Ан-Наср» Фелишни сотиб олишга яқин
Фото: Getty Images
“Челси” клуби ҳужумчи Жоау Фелишни яқин орада “Ан-Наср”га сотиши мумкин. Бу ҳақда журналист Педру Алмейда хабар берди.
Саудия клуби 25 ёшли футболчи учун курашга қўшилиб, аввал фаворит саналган “Бенфика”ни ортда қолдирди.
“Ан Наср” португалиялик футболчи учун 50 миллион евро таклиф қилган. Бу сумма “Челси”ни қониқтиради ва Лондон клуби трансферни якунлашга тайёр.
Шу тариқа, лондонликлар ўтган йили “Атлетико”дан 52 миллион еврога сотиб олган Жоау учун сарфлаган маблағни деярли тўлиқ қайтариб олади.
Футболчи ўтган мавсумнинг иккинчи ярмини “Милан”да ўтказган эди.
Баҳром Бобонов
Редактор