Аморим яна Португалия чемпионатига қайтиши мумкин
Аввал «Спортинг» ва «Манчестер Юнайтед» клубларида ишлаган Рубен Аморим яна Португалия чемпионатига қайтиши мумкин. talkSPORT хабарга кўра, мутахассис «Бенфика» бош мураббийлиги учун асосий номзодлардан бири сифатида кўрилмоқда.
Лиссабон клубининг ҳозирги бош мураббийи Жозе Моуриньонинг келажаги эса ҳозирча ноаниқ бўлиб қолмоқда. Унинг шартномасида 2026 йил ёзида муддатидан олдин жамоани тарк этиш банди мавжуд ва агар Моуриньога Роберто Мартинес эҳтимолий кетган тақдирда Португалия терма жамоасини бошқариш таклифи тушса, ушбу банд ишга туширилиши мумкин.
Манбаларга кўра, Моуриньонинг ўрнини эгаллаши мумкин бўлган асосий номзод айнан Аморим ҳисобланади. У «Бенфика» тарбияланувчиси бўлиб, клуб сафида икки даврда тўп сурган: 1994–1998 ва 2008–2017 йиллар оралиғида. Мураббийлик фаолияти давомида Аморим «Каза Пиа», «Брага» ва «Спортинг» жамоаларида ишлаган, сўнгги клубни эса 2024 йил октябрь ойида тарк этган.
Эслатиб ўтамиз, ҳозирда «Бенфика» Португалия чемпионатида учинчи ўринда бормоқда ҳамда Чемпионлар лигаси умумий жадвалида 25-поғонани эгаллаб турибди.
