Аморим тез орада «МЮ»ни тарк этиши мумкин — манба
Португалиялик мутахассис 2024 йилнинг кузида манкуниянликлар бошқарувига келганди.
ФОТО: Getty Images
«Манчестер Юнайтед» бош мураббийи Рубен Аморим манкуниянлар сафини тарк этиш арафасида. Бу ҳақда Indykaila News X ижтимоий тармоғида хабар берилмоқда.
Манбага кўра, португалиялик мутахассис яқин вақт ичида истеъфога чиқарилиши мумкин.
«Бугунги ўйин учун танланган тактика («Борнмут»га қарши баҳс 4:4 ҳисобидаги дуранг билан якунланди) ёш болаларча! Бу ҳақиқий телбалик. Жамоага улкан маблағ сарфланганидан кейин биз табиий равишда кўпроқ натижа талаб қиламиз. Рубен бу ерда узоқ қолмайди», — дея «Манчестер Юнайтед» ички манбасининг сўзларини келтиради Indykaila News.
Рубен Аморим «Манчестер Юнайтед» бош мураббийи лавозимини 2024 йил кузида эгаллаган. Бунгача у Лиссабоннинг «Спортинг» клубида фаолият олиб борган.
Насрулло Каримов
Журналист
