Amorim tez orada «MYU»ni tark etishi mumkin — manba
«Manchester Yunayted» bosh murabbiyi Ruben Amorim mankunianlar safini tark etishga yaqin turibdi. Bu haqda Indykaila News X ijtimoiy tarmog‘ida xabar bermoqda.
Manbaga ko‘ra, portugaliyalik mutaxassis yaqin vaqt ichida iste’foga chiqarilishi mumkin.
«Bugungi o‘yin uchun tanlangan taktika («Bornmut»ga qarshi bahs 4:4 hisobidagi durang bilan yakunlandi) yosh bolalardek! Bu haqiqiy telbalik. Jamoaga ulkan mablag‘ sarflanganidan keyin biz tabiiy ravishda ko‘proq natija talab qilamiz. Ruben bu yerda uzoq qolmaydi», — deya «Manchester Yunayted» ichki manbasining so‘zlarini keltiradi Indykaila News.
Ruben Amorim «Manchester Yunayted» bosh murabbiyi lavozimini 2024 yil kuzida egallagan. Bungacha u Lissabonning «Sporting» klubida faoliyat olib borgan.
