Аморим: «МЮ» АПЛ жамоаларининг ғояларини ўрганмоқда»
«Манчестер Юнайтед» бош мураббийи Рубен Аморим жамоанинг стандарт вазиятлар ва тактик жиҳатлар устидаги ишлари ҳақида гапирди.
Унинг айтишича, клуб Англия Премьер-лигаcидаги бошқа жамоалар тажрибасини фаол ўрганиб, ўз ўйинини такомиллаштиришга интилмоқда.
Португалиялик мутахассиснинг изоҳлари 13-тур доирасида «МЮ»нинг «Кристал Пэлас» устидан 2:1 ҳисобидаги ғалабасидан сўнг янгради.
«Бизда машғулотлар учун кўпроқ вақт пайдо бўлди, шу боис жиддий ишлаяпмиз ва Англияда кўп нарсани ўрганаяпмиз. Сиз бунга аллақачон ўрганиб қолгандирсиз, аммо АПЛга келганингизда бошқа жамоалардан жуда кўп тажриба оласиз ва биз ҳам кўплаб ғояларни ўзимизнинг ўйинимизга мослаштираяпмиз.
Мен футболчиларга фаолроқ бўлишимиз кераклигини айтдим, бу майдонда ҳам сезилди. Фаоллик ошганда, тўпга яқин бўлиш эҳтимоли ҳам ортади. Шуни ҳам унутмаслик керакки, иккинчи бўлимда рақиб ҳам чарчайди. Агар сиз темпни оширсангиз, рақиб эса бироз толиқиб қолса ва дарҳол гол ўтказиб юборадиган бўлса, сиз ўйин устида тўлиқ назоратни ҳис қиласиз», — дея Аморимнинг сўзларини келтиради ESPN.
