Аморим «Милан» бош мураббийига айланади

«Манчестер Юнайтед»нинг собиқ устози Рубен Аморим «Милан»нинг янги бош мураббийига айланди. Бу ҳақда A Bola нашри хабар бермоқда.

Манбага кўра, келишув аллақачон якунланган. Таъкидланишича, португалиялик мутахассиснинг италиялик гранди билан тузган меҳнат шартномаси 2028 йилгача мўлжалланган. Аморим янги клубда солиқлар чегириб ташлангандан сўнг йилига 3,5 млн евро маош олади.

Қайд этилишича, Аморимнинг «Милан» билан шартномасида А Серия ва Чемпионлар лигасидаги муваффақиятли иштироки учун турли бонуслар кўзда тутилган.

Эслатиб ўтамиз, ўтган мавсум якунларига кўра «россонерилар» асосий еврокубок турнирига йўлланмани қўлга кирита олмаган, бироқ Европа лигасида иштирок этади.

Розикжон Султонмуродов

Журналист

0 0 0 0 0 0