Аморим «Эвертон»га қарши баҳсда кимлар иштирок этмаслигини айтди
"Манчестер Юнайтед" бош мураббийи Рубен Аморим "Эвертон"га қарши Англия Премьер-лигасининг 12-тур учрашуви олдидан бир қатор футболчиларининг ҳозирги ҳолати ҳақида гапирди.
"Шешко бир неча ҳафта майдонга туша олмайди. Қанча вақт кетишини аниқ билмайман, лекин бу жиддий нарса эмас деб ўйлайман. Бенжамин билан эҳтиёт бўлишимиз керак; у аллақачон тикланиш босқичида, ўзини яхши ҳис қилмоқда. Бен бир неча ҳафтадан сўнг сафга қайтади".
Магуайр ўйнашга тайёр эмас. Кобби бугун машғулот ўтказмади, лекин менимча, у эртага қайтади. Лисандро Мартинес тайёр бўлишга яқинлашмоқда. Албатта, бунга эҳтиёткорлик билан ёндашиш керак; биринчи дақиқаларда унга осон бўлмайди; унинг аҳволи икки ҳафта олдингига қараганда анча яхши", - дея Аморимнинг сўзларини келтирмоқда манкунианликлар расмий сайтида.
