Аморим: Бугун биз ютдик ва бу биз учун яхши кундир
Манчестер Юнайтед - Челси 2:1 баҳсидан кейин мезбонлар бош мураббийи Рубен Аморим фикр билдирди.
«Биз ўйинни жуда яхши бошладик, агрессив ҳаракат қилдик. Кейин Касемиро майдондан четлатилди — биз ўзимизга вазифани қийинлаштиришни яхши кўрамиз, лекин барибир кун омадли бўлди. Албатта, четлатилиш бизга ёрдам берди, лекин биз вазиятлардан фойдаланиб, ўйинни олдинроқ ёпишимиз керак эди.
Бруну Фернандешда ажойиб кайфият бор. У бизнинг сардоримиз ва у ярим ҳимояда ўйнаб гол урди — мен унинг учун жуда хурсандман.
Бизнинг жамоамиз ҳақида камдан-кам яхши гапиришади. Менда танқидларга жавоб беришга ҳожат йўқ — кўпинча улар адолатли бўлади. Лекин бугун биз ютдик ва бу биз учун яхши кун.
Биз «Grimsby»га ютқазишимиз ҳам, исталган жамоани ютшишимиз ҳам мумкин. Мен фақат кейинги ўйинни ўйлайман. Ғалаба қозониш — бу ажойиб ва биз учун жуда муҳим»,—деди мутахассис.
