Аморим: Баъзан у юқорироқда ўйнашни хоҳлайди, аммо унинг ўзига хос муҳим вазифаси бор
Рубен Аморим Бруно Фернандешнинг жамоада тутган ўрни ҳақида фикр билдирди.
«Эсланг, Бруно майдонда тўлиқ эркинликни хоҳлайди. Ҳатто “ўнинчи рақам” позициясида ўйнаса ҳам, барибир тўп учун орқага қайтади. Балки ҳозир у жарима майдонига тез-тез кириб бора олмаётгандир, аммо барибир яқин жойда бўлади ва зарба бера олади.
Мен Брунони чуқурроқ ўйнашини хоҳлайман – шунда биз тўпни яхшироқ назорат қиламиз ва ўйинни бошқарамиз. Биз шундай қилаяпмиз, лекин баъзан у олдинда етишмай қолади. Эҳтимол, бу Куня йўқлиги учундир ва бизга яна бир ҳужумчи керакдир.
Мен жамоани мувозанатлаштиришга ва энг кучли таркибни танлашга ҳаракат қиляпман. Кўряпман, Бруно хафа, лекин бу фақат биз ғалаба қозонмаганимиз учун. Баъзан у юқорироқда ўйнашни хоҳлайди, аммо унинг ўзига хос муҳим вазифаси бор. Энг асосийси – жамоа яхши ўйнасин. Агар биз ютушни бошласак, у бошқа позицияларда ҳам эркинроқ ҳаракат қила олади», – деди мутахассис.
