Аморим АПЛда ғалаба қозониш бўйича «МЮ» мураббийлари орасида энг паст кўрсаткични қайд этди
Аввалроқ манкуниянликлар португалиялик мутахассисни истеъфога чиқарганди.
ФОТО: Getty Images
Португалиялик мутахассис Рубен Аморим «Манчестер Юнайтед» тарихи давомида Англия Премьер-лигасида энг паст ғалаба фоизига эга мураббий бўлиб қолди. Бу ҳақда Opta нашри хабар берди.
Маълумотларга кўра, Аморим бошчилигида «қизил иблислар» АПЛ ўйинларининг атиги 32 фоизида ғалаба қозонган.
Шунингдек, Аморим даврида «Манчестер Юнайтед» Премьер-лигада энг паст «қуруқ» ўйинлар кўрсаткичига ҳам эга бўлган — атиги 15 фоиз. Эслатиб ўтамиз, Англия Премьер-лигаси 1992 йилда ташкил этилган.
Ҳозирги вақтда «Манчестер Юнайтед» 20 та учрашувдан сўнг 31 очко жамғарган ҳолда турнир жадвалида бешинчи ўринни эгаллаб турибди. Жамоа етакчи «Арсенал»дан 17 очко орқада қолмоқда.
Насрулло Каримов
Журналист