«Ҳамма нарсани ўзим қилишим керакми? Овозингни ўчир!» — Неймар мухлис билан жанжалдашиб қолди
Бразилиялик ҳужумчи «Реколета»га қарши баҳсда битта гол муаллифи бўлди.
ФОТО: Getty Images
«Сантос» ҳужумчиси Неймар Жанубий Америка кубоги доирасида Парагвайнинг «Реколета» клубига қарши кечган учрашувда (1:1) уни майдонда бор кучи билан ўйнамаётганликда айблаган мухлис билан можарога киришди.
«Ҳамма нарсани ўзим қилишим керакми? Овозингни ўчир, лаънати! Агар ўзинг мени ҳурмат қилмасанг, қандай қилиб сендан ҳурмат кутаман?» — дея Неймарнинг сўзларини келтирмоқда ESPN.
Учрашувдан сўнг Неймар ўз реакциясини шахсиятига тегиш ҳолатларига тоқат қила олмаслиги билан изоҳлади. Шу билан бирга, футболчи мухлисларнинг жамоа ўйин услуби ва мазмуни бўйича танқидларини тўғри тушунишини таъкидлади.
Мазкур баҳсда футболчи тўртинчи дақиқадёқ гол уришга муваффақ бўлган эди.
Насрулло Каримов
Журналист