Амирбек Бақаев “Олимпик”га ўтди — клубни қийин ҳолатдан қутқаришга ҳаракат қилади
Беларус чемпионатида ўзини кўрсата олган ҳужумчи эндиликда Pro Лига клуби сафида тўп суради
Расм: Telegram
Ўзбекистонлик футболчи Амирбек Бақаев фаолиятини Pro Лигадаги “Олимпик” жамоасида давом эттиради. Аслида у “Бухоро” сафида отаси қўл остида тўп суради, деб кутилганди. Бироқ қарор унга доимий ўйин амалиёти кераклигидан далолат бермоқда.
Бақаевнинг янги жамоаси мураккаб вазиятда — “Олимпик” чемпионатда қуйи поғоналарда бормоқда ва чиқиб кетиш ёки бутунлай тарқалиб кетиш хавфи остинидадир.
Амирбек Бақаев — Беларус Олий лигасида 40 дан зиёд ўйинда майдонга тушган тажрибали футболчи. У “Энергетик-БГУ” жамоасида тўп суриб, жамоанинг энг яхши тўпурари ва қимматли футболчисига айланган.
Эслатиб ўтамиз, у 2022 йилда айнан “Энергетик” сафида Абдуқодир Ҳусанов ва Бобур Абдихолиқов билан бирга тўп сурган.
Бакрадзе Иман
Редактор