Альваро Мората \"Комо\"га ўтади
Фото: Getty Images
“Милан” ҳужумчиси Альваро Мората “Комо” сафига бориб қўшилади.
Инсайдер Фабрицио Романо хабар қилишича, 32 ёшли футболчи Сеск Фабрегас бошқарувидаги клуб билан шахсий шартнома шартларини келишиб олган.
“Комо” ва “Милан” Моратанинг трансфери бўйича келишиб олган. Энди улар “Галатасарой” билан бир тўхтамга келиши керак. Чунки Альваронинг турк клубидаги ижараси 2026 йилгача мўлжалланган.
Испаниялик ҳужумчи “Милан”га 2024 йил июл ойида ўтганди, аммо 6 ойдан сўнг ижара асосида “Галатасарой”га қўшилди ва у ерда Суперлига ғолиблигини қўлга киритди.
Баҳром Бобонов
Редактор
