Алваро Каррерас «Реал»нинг «Ман Сити»га қарши ўйинини ўтказиб юборади
Мадриднинг «Реал» клуби ҳимоячиси Алваро Каррерас УЕФА Чемпионлар Лигасининг 1/16 финал босқичи доирасида «Манчестер Сити»га қарши бўлиб ўтадиган учрашувни ўтказиб юборади. Бу ҳақда клуб расмий сайти хабар берди.
Бугун, 9 март куни ўтказилган тиббий кўрик натижасига кўра, 22 ёшли футболчида ўнг оёқ болдир мушагининг шикастланиши аниқланган. Каррераснинг майдонга қайтиш муддатлари ҳозирча номаълум, бироқ клуб тиббиёт ходимлари унга яқинлашиб келаётган ўйинда майдонга тушишни қатъий тақиқлашган.
Жорий мавсумда Каррерас «Реал» сафида барча мусобақаларда 34 та ўйинда майдонга тушиб, 2 та гол ва 2 та голли узатмани амалга оширган.
Айни дамда мадридликлар таркибида кадрлар билан боғлиқ вазият кескинлашган. Килиан Мбаппе, Родриго, Эдуардо Камавинга, Алваро Каррерас ва Жуд Беллингем каби асосий таркиб футболчилари «Манчестер Сити» билан баҳсларда майдонга туша олмаслик хавфи остида қолмоқда.
