Алваро Арбелоа: «Атлетико» ва «Барселона» ўйини мени заррача қизиқтирмайди»
Мадриднинг «Реал» клуби бош мураббийи Алваро Арбелоа Испания Ла Лигасининг 30-туридан ўрин олган «Атлетико» ҳамда «Барселона» жамоалари ўртасидаги учрашув олдидан ўз фикрини билдирди. Мазкур баҳс Мадриддаги «Сивитас Метрополитано» стадионида бўлиб ўтади ва ўйинни палмалик ҳакам Матео Бускетс Феррер бошқариб боради.
«Бугун «Атлетико» рақиб билан тенгма-тенг ўйин кўрсатадими? Бу мени заррача ташвишга солмайди. Мен фақат ўз жамоам ва сешанба кунги учрашув ҳақида қайғураман. Ўз жамоамга алоқадор бўлмаган нарсаларга вақтимни сарфлаб ўтирмайман», — деди Арбелоа.
Маълумот учун, Испания чемпионатининг 29 туридан сўнг «Барселона» 73 очко билан турнир жадвалида пешқадамлик қилмоқда. «Атлетико» эса 57 очко билан тўртинчи ўринда бормоқда. Арбелоа бошқарувидаги «Реал» эса 69 очко билан иккинчи ўринни эгаллаб турибди.
