Алварес «Барселона»га ўтиш учун босим ўтказмоқчи эмас, вазият боши берк кўчага кириб қолди
Мадриднинг «Атлетико» клуби ҳужумчиси Хулиан Алварес «кўк-анорранглилар» сафида тўп суришни истаган бўлса-да, «Барселона»га трансфер қилиниши учун жамоасига босим ўтказиш нияти йўқ. Ҳозирда 2022 йилги Жаҳон чемпионати ғолибининг Каталония клубига ўтиши билан боғлиқ вазият боши берк кўчага кириб қолган. Бу ҳақда Cadena Ser нашри хабар бермоқда.
Манба маълумотига кўра, «Атлетико» раҳбарияти Алвареснинг янги мавсумда жамоада қолишига шунчалик ишонадики, ҳатто янги мавсум таркибини айнан унинг ҳужумдаги ўйинидан келиб чиқиб шакллантиришни бошлаган.
Айни пайтда форвард учун ягона реал вариант сифатида «Арсенал»га ўтиш кўрилиб турибди, аммо аргентиналик футболчи бу таклифни кўриб чиқмаяпти. Агар у Мадрид жамоасини тарк этадиган бўлса, фақатгина «Барселона»да ўйнашни истайди.
