Алварес «Барселона» томонидан бўлаётган қизиқишларга жавоб берди
Аргентиналик футболчининг «Атлетико» билан тузган амалдаги шартномаси 2030 йилга қадар амал қилади.
ФОТО: Getty Images
Мадриднинг «Атлетико» клуби ҳужумчиси Хулиан Алварес ўзига нисбатан «Барселона» томонидан билдирилаётган тахминий қизиқишлар ҳақидаги миш-мишларга муносабат билдирди.
«Миш-мишларга унчалик эътибор бермасликка ҳаракат қиламан, чунки ҳар ҳафта янги нималардир, қандайдир маълумотлар пайдо бўлаверади. Бор энергиямни бунга сарфламайман ва ўзимни бутунлай «Атлетико»даги фаолиятимга бағишлайман», — деди Алварес.
Жорий мавсумда Алварес клуб сафида барча турнирлар доирасида 47 та ўйинда майдонга тушиб, 19 та гол урди ва 9 та голли узатмани амалга оширди. Футболчининг «Атлетико» билан амалдаги шартномаси 2030 йилнинг 30-июнига қадар мўлжалланган. Transfermarkt портали маълумотларига кўра, форварднинг трансфер қиймати 90 миллион еврога ташкил этади.
Насрулло Каримов
Журналист