Alvares «Barselona» tomonidan boʻlayotgan qiziqishlarga javob berdi
Madridning «Atletiko» klubi hujumchisi Xulian Alvares o‘ziga nisbatan «Barselona» tomonidan bildirilayotgan taxminiy qiziqishlar haqidagi mish-mishlarga munosabat bildirdi.
«Mish-mishlarga unchalik e’tibor bermaslikka harakat qilaman, chunki har hafta yangi nimalardir, qandaydir ma’lumotlar paydo bo‘laveradi. Bor energiyamni bunga sarflamayman va o‘zimni butunlay «Atletiko»dagi faoliyatimga bag‘ishlayman», — dedi Alvares.
Joriy mavsumda Alvares klub safida barcha turnirlar doirasida 47 ta o‘yinda maydonga tushib, 19 ta gol urdi va 9 ta golli uzatmani amalga oshirdi. Futbolchining «Atletiko» bilan amaldagi shartnomasi 2030 yilning 30-iyuniga qadar mo‘ljallangan. Transfermarkt portali ma’lumotlariga ko‘ra, forvardning transfer qiymati 90 million yevroni tashkil etadi.
