Альварес «Атлетико»ни тарк этиш истагини оммага маълум қилди
«Атлетико» ва Аргентина терма жамоаси ҳужумчиси Хулиан Альварес ёзги трансферлар ойнасида клубини алмаштириш истагини билдирди.
«Мен орзуимни амалга оширмоқчиман. Мен клубда гаплашишим керак бўлган одамлар билан гаплашдим. Менинг келажагим учун энг яхшиси — бу трансфер», — дея Альвареснинг сўзларини келтиради ESPN Argentina.
27 ёшли форвард ўтган мавсумда «Атлетико» сафида 52 та ўйинда майдонга тушиб, 20 та гол урди ва 10 та голли узатмани амалга оширди.
Аввалроқ футболчига «Барселона», «Реал», «Арсенал» ва Европанинг бошқа клублари томонидан қизиқиш билдирилаётгани ҳақида хабар қилинганди.
Айни дамда Альварес Аргентина терма жамоаси ихтиёрида 2026 йилги жаҳон чемпионатида бўлиб турибди, у ерда жамоа плей-оффга чиқди.
Аргентиналиклар навбатдаги ўйинни 28 июн куни Иордания терма жамоасига қарши ўтказади.