Алварес Артетага қўнғироққа жавоб бермади

Мадриднинг «Атлетико» клуби ҳужумчиси Хулиан Алварес «Арсенал»га ўтишга қизиқиш билдирмаяпти. Аргентинам футболчиси Англияга қайтишни хоҳламай, фаолиятини «Барселона»да давом эттириш ниятида.

Маълумотларга кўра, «Арсенал» бош мураббийи Микель Артета Алварес билан боғланиб, уни Лондон клубига ўтишга кўндиришга уринган. Бироқ футболчи мураббийнинг қўнғироқига жавоб бермаган. Бу ҳақда журналист Хосеп Педрерол хабар берган.

Алвареснинг асосий мақсади «Барселона»га ўтиш бўлиб қолмоқда. Каталония клуби аргентиналик ҳужумчи учун 100 миллион евро таклиф қилган. «Атлетико» эса футболчини қўйиб юборишга ҳозирча тайёр эмас.

Маълумот учун, «Арсенал» Алварес учун тахминан 150 миллион евро тўлашга тайёр экани ҳақида хабарлар тарқалган. Бироқ ҳужумчининг ўзи Англияга қайтишга қизиқмаяпти.