Alvares Artetaning qo‘ng‘irog‘iga javob bermadi
Madridning “Atletiko” klubi hujumchisi Xulian Alvares “Arsenal”ga o‘tishga qiziqish bildirmayapti. Argentinalik futbolchi Angliyaga qaytishni istamay, faoliyatini “Barselona”da davom ettirish niyatida.
Ma’lumotlarga ko‘ra, “Arsenal” bosh murabbiyi Mikel Arteta Alvares bilan bog‘lanib, uni London klubiga o‘tishga ko‘ndirishga harakat qilgan. Biroq futbolchi murabbiyning qo‘ng‘irog‘iga javob bermagan. Bu haqda jurnalist Xosep Pedrerol xabar bergan.
Alvaresning asosiy maqsadi “Barselona”ga o‘tish bo‘lib qolmoqda. Kataloniya klubi argentinalik hujumchi uchun 100 million yevro taklif qilgan. “Atletiko” esa futbolchini qo‘yib yuborishga hozircha tayyor emas.
Ma’lumot uchun, “Arsenal” Alvares uchun taxminan 150 million yevro to‘lashga tayyor ekani haqida xabarlar tarqalgan. Biroq hujumchining o‘zi Angliyaga qaytishga qiziqmayapti.
