Алонсо: «Биз кучли жамоа тузамиз»
Испаниялик мутахассис билан 4 йиллик шартнома имзоланган.
ФОТО: Getty images
Лондоннинг “Челси” янги бош мураббийи Хаби Алонсо жамоа футболчиларига Европанинг топ-клублари қизиқиши ҳақида фикр билдирди.
— Бошқа йирик клублар сизларнинг ўйинчиларингизга қизиқмоқда: “Барселона” — Жоао Педро, шунингдек кўплаб клублар Энцо Фернандес ва Марк Кукурельяни кузатмоқда.
— Биз кучли жамоа тузамиз, — деди Алонсо Фабрицио Романога берган интервьюсида.
Эслатиб ўтамиз, “Челси” 17 май куни Алонсо тайинланганини расман эълон қилган эди. Испаниялик мутахассис билан 4 йиллик шартнома имзоланган.
Қайд этилишича, Алонсо ўз вазифаларини 1 июлдан бошлаб бажаради. Клуб баёнотида 44 ёшли мураббий бош мураббий сифатида иш олиб бориши таъкидланган бўлиб, бу лавозим оддий мураббийга нисбатан кенгроқ ваколатларни ўз ичига олади.
Розикжон Султонмуродов
Журналист
