“Ал-Қодисия” Ретеги учун катта маош таклиф қилди
Фото: Getty Images
“Аталанта“ ҳужумчиси Матео Ретеги фаолиятини Саудия Арабистонида давом эттириши мумкин.
Football Italia хабарига кўра, “Ал-Қодисия” клуби унга қизиқиш билдирмоқда. Саудияликлар Ретеги трансферига 60 миллион евро таклиф қилган.
Футболчининг ўзи эса 3 йиллик шартнома имзолаши ва йилига 24 млн евро атрофида маош олиши мумкин.
Аввалроқ “Арсенал”, "Ювентус", "Наполи", ПСЖ ва "Астон Вилла" жамоалари ҳужумчининг хизматига жиддий қизиқиш билдираётганди.
Ретеги ўтган мавсум А Серия тўпурари бўлган. У 36 та учрашувда 25 та гол уришга эришганди.
Баҳром Бобонов
Редактор