Аллегри ва «Наполи» шартномани келишиб олишди — Жанлука Ди Марцио
«Наполи» Массимилиано Аллегри билан клубда ишлаш бўйича келишувга эришди, бу ҳақда журналист Жанлука Ди Марцио хабар бермоқда.
Аввалроқ 58 ёшли мураббийнинг Неаполь жамоасига тайинланиши мутахассиснинг «Милан» билан молиявий келишмовчиликлари туфайли амалга ошмаслиги мумкинлиги ҳақида хабар берилганди.
Таъкидланишича, 2027 йилгача амал қиладиган «россонерилар» билан шартномани муддатидан олдин бекор қилиш учун Аллегри ўзига 2 млн евро ва штаб аъзолари учун 3 млн евро талаб қилмоқда. Милан клуби эгаси Жерри Кардинале сўралган суммани тўлашдан бош тортмоқда.
Журналист Жанлука Ди Марционинг хабар беришича, мураббийнинг «Наполи»га тайинланиши ҳақидаги расмий эълон фақат «Милан» билан музокаралар жараёни якунланганидан сўнг кутилмоқда.
Бироқ Аллегри билан келишув имзоланиши шубҳа туғдирмаяпти – шартнома 2029 йилгача амал қилади. Шундай қилиб, бу аввал хабар қилинганидек икки йиллик эмас, балки уч йиллик шартнома бўлади.