Аллегри: «Пулишич — жуда таъсирчан инсон, бу «қуруқ» серия унга оғир ботмоқда»
«Милан» бош мураббийи Массимилиано Аллегри Италия чемпионатининг 34-туридан ўрин олган «Ювентус»га қарши ўйиндан (0:0) сўнг ҳужумчи Кристиан Пулишичнинг ўйини ҳақида ўз фикрларини билдирди. Пулишич кетма-кет 16 та ўйиндан буён гол ура олмаяпти.
«Кристиан — жуда таъсирчан инсон, бу «қуруқ» серия унга руҳан оғир ботмоқда. Шунингдек, у жисмоний курашларда ва марказий ҳужумчи йўқлиги сабабли қийнчиликка дуч келяпти, бироқ мен жамоа мувозанатини сақлашим керак, чунки олдимизда эришишимиз лозим бўлган мақсад бор.
Тушунаман, у бу рольга унчалик мос келмайди. Мен ундан ўнг қанотда, Леодан эса чапда ўйнашни сўраган эдим, шу сабабли бизда марказий ҳужумчи йўқ эди. Ишончингиз комил бўлсинки, мавсум якунсига қадар Пулишич ўз ҳиссасини қўшади», — деди Аллегри.
