Аллегри «Наполи» бош мураббийи этиб тайинланди
58 ёшли италиялик мутахассис билан тузилган шартнома 2029 йил 30 июнга қадар амал қилади.
ФОТО: Getty images
«Наполи» расмий сайти орқали Массимилиано Аллегри жамоанинг янги бош мураббийи этиб тайинланганини эълон қилди.
58 ёшли италиялик мутахассис билан тузилган шартнома 2029 йил 30 июнга қадар амал қилади.
Аллегри ўтган мавсумда «Милан»ни бошқарди. «Россонери» А Серияни 70 очко билан 5-ўринда якунлаган бўлса, «Наполи» 76 очко жамғариб, чемпионатда иккинчи ўринни эгаллаган эди.
Массимилиано Аллегри Италиянинг энг муваффақиятли мураббийларидан бири ҳисобланади. У мураббийлик фаолияти давомида олти марта А Серия чемпиони бўлган — шундан бештаси «Ювентус», биттаси эса «Милан» билан қўлга киритилган.
Бундан ташқари, Аллегри беш марта Италия кубоги соҳиби бўлган ва икки бор Европа Чемпионлар лигаси финалига чиққан.