Аллегри: «Наполи» А Серияда яна чемпионлик учун асосий даъвогар»
“Милан” 28 сентябрь куни А Сериянинг 5-тури доирасида “Наполи”га қарши майдонга тушади.
ФОТО: Getty images
“Милан” бош мураббийи Массимилиано Аллегри Италия чемпионатининг навбатдаги туридан ўрин олган “Наполи”га қарши ўйиндан олдин ўз фикрларини билдирди.
“Наполи” амалдаги чемпион. Айнан уларга қарши ўйнаймиз. Улар ёзда кучли трансферларни амалга оширди. Менимча, клуб ҳамон А Серия чемпионлиги учун асосий даъвогар. Қизиқарли ва муросасиз баҳс бўлади”, - деди Аллегри ўйин олди матбуот анжуманида.
Эслатиб ўтамиз, “Милан” 28 сентябрь куни А Сериянинг 5-тури доирасида “Наполи”га қарши майдонга тушади. Учрашув Тошкент вақти билан соат 23:45 да старт олади.
Розикжон Султонмуродов
Журналист
