Аллегри «Милан» раҳбариятидан янги ҳимоячи сотиб олишни сўрамоқда
Фото: Getty Images
“Милан” бош мураббийи Массимилиано Аллегри Италия А Сериясининг 1-турида “Кремонезе”дан учралган мағлубиятдан сўнг (1:2) клуб раҳбариятига илтимос билан чиқди. Бу ҳақда журналист Николо Скира хабар бермоқда.
Манбага кўра, Аллегри раҳбариятдан янги марказий ҳимоячи билан шартнома имзолашни сўраган.
Ёзги трансфер вақтида “россонерилар” Конни де Винтерни 20 миллион евро эвазига “Женоа”дан сотиб олди. Аллегри эса ҳимоядаги муаммолар сабаб бошқа яна тажрибали ўйинчи олмоқчи.
“Милан” А Сериянинг 2-тур учрашувини 29 август куни меҳмонда “Лечче”га қарши ўтказади.
Розикжон Султонмуродов
Журналист