Allegri «Milan» rahbariyatidan yangi himoyachi sotib olishni so‘ramoqda
Фото: Getty Images
“Milan” bosh murabbiyi Massimiliano Allegri Italiya A Seriyasining 1-turida “Kremoneze”ga qarshi o‘yinda (1:2) mag‘lubiyatdan so‘ng klub rahbariyatiga iltimos bilan murojaat qildi. Bu haqda jurnalist Nikolo Skira xabar bermoqda.
Manbaga ko‘ra, Allegri rahbariyatdan yangi markaziy himoyachi bilan shartnoma imzolashni so‘ragan.
Yozgi transfer oynasida “rossoneri”lar Konni de Vinterni 20 million yevro evaziga “Jenoa”dan sotib oldi. Allegri esa himoyadagi muammolar sababli yana tajribali futbolchini olib kelmoqchi.
“Milan” A Seriyaning 2-tur uchrashuvini 29 avgust kuni safarda “Lechche”ga qarshi o‘tkazadi.
Roziqjon Sultonmurodov
Jurnalist