Аллегри: «Ҳимояда жуда ёмон ўйнадик»
“Милан” бош мураббийи Массимилиано Аллегри А Сериясининг 38-турида “Кальяри”га (1:2) мағлубият ҳақида фикр билдирди.
“Афсуски, ҳозир натижани ўзгартириш имкони йўқ. Ўз майдонимизда бешта ўйинда мағлуб бўлганимиздан кейин айнан шундай ҳолатга тушиб қоламиз. Ўйинни яхши бошладик, ҳисобда олдинга чиққанимиздан сўнг натижа ўз-ўзидан таъминланади, деб ўйладик, аммо бундай бўлмади. Ҳимояда жуда ёмон ўйнадик, айниқса биринчи голда.
Шогирдларимни айблашга асос йўқ — улар Чемпионлар лигасига чиқиш учун қўлларидан келган барча ишни қилишди. “Кальяри”нинг ҳар икки голида ҳам биз жуда пассив ҳаракат қилдик, бундай ҳолат аввал кузатилмаганди. “Женоа”га қарши ўйинда яхшироқ ўйнагандик, аммо бугун кечқурун хавотир кўпроқ эди ва ўйин ривожини ўзгартира олмадик”, — дея Аллегри сўзларини келтиради Football Italia нашри DAZN Italia манбасига таяниб.
