Алкарас Синнер ва Дембелени ортда қолдириб, йилнинг энг яхши спортчиси унвонига сазовор бўлди
«Катта дубулға» турнирларининг етти карра ғолиби, жаҳоннинг иккинчи рақамли ракеткаси, испаниялик теннисчи Карлос Алкарас нуфузли Laureus World Sports Awards – 2026 халқаро мукофоти талқинига кўра «Йил спортчиси» деб топилди. Мазкур тақдирлаш маросими кетма-кет учинчи бор Мадридда (Испания) бўлиб ўтмоқда.
Ушбу унвон учун Алкарас билан бирга қуйидаги спортчилар ҳам номзод сифатида кўрсатилган эди:
- Янник Синнер (теннис, Италия);
- Усман Дембеле (футбол, Франция);
- Арман Дюплантис (ёнгил атлетика, Швеция);
- Марк Маркес (мотоспорт, Испания);
- Тадей Погачар (велоспорт, Словения).
Таъкидлаш жоизки, Laureus Awards мукофоти ҳайкалчаси Cartier люкс бренди томонидан лойиҳалаштирилган ва тайёрланган. Алкарасга ушбу совринни футбол афсоналари Икер Касильяс ҳамда Луиш Фигу топширишди.
Регламентга кўра, Laureus номинациялари бўйича номзодлар рўйхати (short-list) 70 дан ортиқ мамлакатдан 1000 дан зиёд спорт ОАВ вакилларининг овоз бериши орқали шакллантирилади. Шундан сўнг, Laureus Бутунжаҳон спорт академияси мазкур рўйхат ичидаги ғолибларни танлаб олади.
