“Ал-Иттиҳод” “Ньюкасл” футболчиси учун 120 миллион евро тўлашга тайёр
Саудиянинг “Ал-Иттиҳод” клуби “Ньюкасл” ярим ҳимоячиси Бруно Гимарайшга қизиқиш билдирмоқда. Бу ҳақда ESPN нашри хабар берди.
Манбага кўра, саудияликлар Бразилия терма жамоаси футболчиси учун шартномасида кўрсатилган 120 миллион евролик товон пулини тўлашга тайёр.
Қайд этилишича, 27 ёшли футболчининг агенти ўтган ҳафта Саудия Арабистонида бўлган ва “Ал-Иттиҳод” раҳбарияти билан учрашув ўтказган.
Шунингдек, Гимарайшга “Ал-Ҳилол” ҳам қизиқиш билдирмоқда. Агар рияодликлар “Манчестер Юнайтед” ярим ҳимоячиси Бруно Фернандешни қўлга кирита олмаса, Гимарайш учун курашга қўшилади.
Маълумот учун, Гимарайш 2022 йилнинг қишида “Лион”дан “Ньюкасл”га ўтган эди. Бу давр ичида у барча турнирларда 153 та ўйинда майдонга тушиб, 22 та гол урди ва 24 та голли узатмани амалга оширди.
