Алиссон сафга қайтди
У сентябрнинг сўнгги оқшомида Истанбулда "Галатасарой"га қарши баҳсда жароҳат олган эди.
ФОТО: Getty images
“Ливерпуль” дарвозабони Алиссон сафга қайтди. Бу ҳақда мерсисайдликлар клуби бош мураббийи Арне Слот жума куни бўлиб ўтган матбуот анжуманида малум қилди.
"Алиссон ўтган ҳафта ва бу ҳафта машғулот ўтказди, шунинг учун бугун ҳаммаси яхши бўлса, у эртага ўйнай олади".
Маълумки, Алиссон сентябрнинг сўнгги оқшомида Истанбулда "Ливерпул" "Галатасарой"га 0:1 ҳисобида мағлуб бўлганида жароҳат олган эди.
Бразилиялик дарвозабон жамоанинг турли мусобақалар доирасидаги саккизта учрашувини ўтказиб юборган. 22 ноябрь, шанба куни “Ливерпуль” Премьер-лиганинг 12-турида “Ноттингем Форест”ни қабул қилади.
Розикжон Султонмуродов
Журналист