Алиссон «Челси»га қарши ўйнамайди
Бразилиялик дарвозабон "Галатасарой"га қарши ўйинда жароҳат олди.
ФОТО: Getty images
“Ливерпуль” бош мураббийи Арне Слот жамоа дарвозабони Алиссоннинг жароҳат олгани ҳақида гапирди.
Эслатиб ўтамиз, бразилиялик посбон Чемпионлар лигаси умумий босқичининг 2-турида “Галатасарой”га қарши ўйиннинг 55-дақиқасида мажбурий равишда майдонни тарк этганди.
“Агар футболчи шундай ҳолатда майдонни тарк этса, бу ҳар доим ёмон. Ишонч билан айтаман, у шанба куни ўйнамайди”, — деди мураббий.
Эслатиб ўтамиз, “Челси” – “Ливерпуль” учрашуви 4 октябрь санасига белгиланган.
