Алишер Қодиров: Жаҳон чемпионати олдидан терма жамоага тажрибали маслаҳатчи керак
5 июн куни БААга қарши ўйиндаги дуранг натижасидан сўнг Ўзбекистон миллий жамоаси тарихда илк бор жаҳон чемпионати йўлланмасини қўлга киритди. Бу катта ютуқ эътироф этилса-да, сиёсатчи Алишер Қодировнинг фикрича, энди асосий эътибор жаҳон чемпионатидаги иштирок ва ундан кейинги саралаш босқичига қаратилиши лозим.
Қодировга кўра, жамоа олдида икки муҳим вазифа бор: гуруҳдан чиқишга қодир таркибни шакллантириш ва кейинги саралашларга тайёргарликни ҳозирдан бошлаш.
У Тимур Кападзени қўллаб-қувватлашини таъкидлади, бироқ жамоага халқаро тажрибага эга мутахассис маслаҳатчи сифатида ёрдам бериши фойдали бўлишини таъкидлади. Мисол тариқасида у машҳур италиялик мутахассис Клаудио Ранерини келтирди.
73 ёшли Ранери ҳозирда “Рома” клубида техник директор сифатида фаолият юритмоқда. У ўтган мавсумда жамоага Европа кубогларига йўлланма олишда ёрдам берган. Англияда “Лестер” билан чемпион бўлган мураббий Европанинг қатор йирик клубларида ҳам ишлаган. Жорий мавсум якунида у мураббийлик фаолиятини якунлашини маълум қилган эди.
