Alisher Qodirov: Jahon chempionati oldidan terma jamoaga tajribali maslahatchi kerak
5 iyun kuni BAAga qarshi o‘yindagi durang natijasidan so‘ng O‘zbekiston milliy jamoasi tarixda ilk bor jahon chempionati yo‘llanmasini qo‘lga kiritdi. Bu katta yutuq sifatida e’tirof etilsa-da, siyosatchi Alisher Qodirov fikricha, endi asosiy e’tibor jahon chempionatidagi ishtirok va undan keyingi saralash bosqichiga qaratilishi lozim.
Qodirovga ko‘ra, jamoa oldida ikki muhim vazifa bor: guruhdan chiqishga qodir tarkibni shakllantirish va keyingi saralashlarga tayyorgarlikni hozirdan boshlash.
U Timur Kapadzeni qo‘llab-quvvatlashini ta’kidladi, biroq jamoaga xalqaro tajribaga ega mutaxassis maslahatchi sifatida yordam berishi foydali bo‘lishini qayd etdi. Misol tariqasida u mashhur italiyalik mutaxassis Klaudio Ranierini keltirdi.
73 yoshli Ranieri hozirda “Roma” klubida texnik direktor sifatida faoliyat yuritmoqda. U o‘tgan mavsumda jamoaga Yevropa kuboklariga yo‘llanma olishda yordam bergan. Angliyada “Lester” bilan chempion bo‘lgan murabbiy Yevropaning qator yirik klublarida ham ishlagan. Joriy mavsum yakunida u murabbiylik faoliyatini yakunlashini ma’lum qilgan edi.
