“Ал-Ҳилол” юлдуз ҳужумчини трансфер қилиш бўйича музокараларни бошлади
Футбол
Бакрадзе Иман
Редактор
Расм: gettyimages.com ФК Ал-Ҳилол
Саудиянинг “Ал-Ҳилол” клуби “Наполи” ҳужумчиси Виктор Осимҳенни трансфер қилиш бўйича музокараларни бошлади. Бу ҳақда инсайдер Николо Скира ўз ижтимоий тармоқ саҳифасида хабар берди.
Ҳозирча музокаралар тафсилотлари ошкор қилингани йўқ. Айни пайтда Осимҳен Туркиянинг “Галатасарай” жамоасида ижара асосида тўп сурмоқда. Унинг “Наполи” билан шартномаси 2026 йил 30 июнигача амал қилади.
Жорий мавсумда нигериялик ҳужумчи “Галатасарай” сафида барча мусобақаларда 36 та ўйин ўтказиб, 31 та гол урди ва 7 та голли пас берди. Осимҳеннинг шартномасида 75 миллион евро миқдоридаги чиқиш пули кўрсатилган.
