“Ал-Ҳилол” Осимҳен учун 50 млн евро маош таклиф қилди
Фото: Getty Images
Саудия Арабистонининг “Ал-Ҳилол” Италиянинг “Наполи” клуби ҳужумчиси Виктор Осимҳен учун яна бир бор шартнома таклиф қилди.
Goal нашри хабарига кўра, клуб нигериялик футболчига йилига 50 миллион евро миқдорида маош таклиф қилган. Бунгача 26 ёшли ҳужумчи “Ал-Ҳилол”нинг 30 миллион евролик дастлабки таклифини рад этган эди.
Шунингдек, саудияликлар раҳбарияти Викторни қўлга киритиш учун “Наполи” клубига 75 миллион евро миқдорида товон пули тўлашга тайёрлигини билдирган.
Ўтган мавсумда Осимҳен Туркиянинг “Галатасарой” жамоасида ижарада тўп сурган. У барча мусобақалар доирасида 41 ўйинда майдонга тушиб, 37 та гол ва 8 та голли узатма муаллифига айланган.
Розикжон Султонмуродов
Журналист