\"Ал-Ҳилол\" Леауни сотиб олмоқчи
Клуб вакиллари аллақачон "россонерилар" юлдузига алоқага чиққан.
Фото: Getty Images
"Милан" вингери Рафаэль Леау фаолиятини Саудия чемпионатида давом эттириши мумкин, дея хабар берди журналист Николо Скира.
Қайд этилишича, 26 ёшли португалиялик футболчи "Ал-Ҳилол" эътиборини тортган.
Ар-Риёд клуби вакиллари аллақачон "россонерилар" юлдузига алоқага чиққан. "Милан" футболчи билан хайрлашмоқчи эмас.
Миланликлар Леау трансферидан камида 90 дан 100 миллион еврогача пул талаб қилади. 26 ёшли футболчининг ўзи ҳам Европада ўйнашни давом эттиришни режалаштирмоқда.
Эслатиб ўтамиз, Рафаэлнинг амалдаги шартномаси 2028 йилнинг ўрталарига қадар амал қилади.
Розикжон Султонмуродов
Журналист
