\"Ал-Ҳилол\" Фернандешнинг барча молиявий талабларини бажаришга тайёр
Фото: Getty Images
Португалия терма жамоаси ва “Манчестер Юнайтед” ярим ҳимоячиси Бруно Фернандеш фаолиятини Саудия Арабистони чемпионатида давом эттириши мумкин. Бу ҳақда саудиялик журналистлар хабар бермоқда.
Манбанинг хабар беришича, “Ал-Ҳилол” раҳбарияти 30 ёшли футболчига таклиф билан чиққан. Саудия клуби Фернандеш билан 3 йилга мўлжалланган узоқ муддатли меҳнат шартномасини имзолашга тайёр..
“Ал-Ҳилол” раҳбарлари португалияликнинг барча молиявий талабларини қондиришга тайёр. Бруно 2020 йилдан бери "қизил иблислар" сафида тўп сурмоқда. Унинг манкунианликлар билан шартномаси 2027 йилнинг ўрталарига қадар тузилган. Фернандеш жорий мавсумда 52 та ўйинда майдонга тушиб, 19 та гол урди ва 18 та голли узатмани амалга оширди.
Розикжон Султонмуродов
Журналист
