"Al-Hilol" Fernandeshning barcha moliyaviy talablarini bajarishga tayyor

Futbol 06 may 2025 da 11:01

Roziqjon Sultonmurodov

Jurnalist

Portugaliya terma jamoasi va “Manchester United” yarim himoyachisi Bruno Fernandesh faoliyatini Saudiya Arabistoni chempionatida davom ettirishi mumkin. Bu haqda saudiya jurnalistlari xabar bermoqda.

Manbaning ma'lumotiga ko'ra, “Al-Hilol” rahbariyati 30 yoshli futbolchiga taklif bilan chiqqan. Saudiya klubi Fernandesh bilan 3 yilga mo'ljallangan uzoq muddatli mehnat shartnomasini imzolashga tayyor.

“Al-Hilol” rahbarlari portugaliyalikning barcha moliyaviy talablarini qondirishga tayyor. Bruno 2020 yildan beri "qizil iblislar" safida to'p surmoqda. Uning mankunianliklar bilan shartnomasi 2027 yilning o'rtalariga qadar tuzilgan. Fernandesh joriy mavsumda 52 ta o'yinda maydonga tushib, 19 ta gol urdi va 18 ta golli uzatmani amalga oshirdi.

Aloqador jamoalar va ligalar

Manchester United

Al-Hilal