\"Ал-Ҳилол\" Эрнандес учун йилига 18 млн евро маош бермоқчи
Томонлар музокараларни бошлаб юборишган
Фото: Getty Images
“Ал-Ҳилол” клуби “Милан” чап қанот ҳимоячиси Тео Эрнандесга жиддий қизиқиш билдирмоқда. Бу ҳақда Calciomercato хабар берди.
Манбага кўра, Саудияликлар 27 ёшли футболчини сотиб олишни асосий мақсад қилган. Клуб Тео учун йилига 18 млн евро атрофида маош беришга тайёр.
Томонлар ўзаро боғланишган ва музокараларни давом эттиришмоқда. “Милан” эса Эрнандес билан шартномани узайтирмоқчи эмас.
Ўтган мавсумда у “Милан” сафида барча турнирларда 49та ўйинда майдонга тушиб, 5та гол урган ва 6та голли узатмани амалга оширган. Футболчининг клуб билан амалдаги меҳнат шартномаси 2026 йилга қадар мўлжалланган.
Розикжон Султонмуродов
Журналист
