Александр Усик профессионал боксдаги сўнгги жангини қачон ўтказишини маълум қилди
Оғир вазн тоифасида мутлақ собиқ жаҳон чемпиони Александр Усик профессионал фаолияатидаги сўнгги жангини қачон ўтказиши режалаштирилгани ҳақида гапирди.
Усикнинг айтишича, у боксдаги фаолиятини 2026 йил охири ёки 2027 йил бошида якунлашни режалаштирмоқда.
"Бу менинг 'Сўнгги рақсим' бўлади. Жанг АҚШда, эҳтимол Нью-Йоркдаги стадионда ўтказилади. Рақибим машҳур боксчи бўлади. Бу жанг йил охирида, декабрь ойида ёки келаси йил бошида бўлиши мумкин", — деди Усик.
Украиналик боксчи, шунингдек, бўлажак жанг тафсилотлари устида ҳозирда унинг жамоаси ишлаётганини таъкидлади ва эҳтимолий ҳамкорлар ҳақида ҳозирча изоҳ беришни истамади.
Аввалроқ Усик профессионал фаолиятини якунлашдан олдин яна битта жанг ўтказишини маълум қилганди. Сўнгги маълумотларга кўра, унинг эҳтимолий рақиби сифатида америкалик собиқ жаҳон чемпиони Деонтей Уайлдер кўрилмоқда. Музокаралар давом этаётгани айтилмоқда.
